أول شي نحضر سوس عبارة عن ( مايونيز / خردل / طحينة/ ليمون وملح) عشان ندهن فيه الساندوتش
نقطع طماطم جوانح
بصل جوانح < الأول إختياري الشي الثاني لو تسوونه قبل بوقت وتحطون عليه سماق
وشوي بقدونس وعرق نعناع مقطع صغير راح يشيل ريحة البصل بشكل كبير
مخلل مشكل
جبن سلايد
وطبعاً كباب سواء لحم او دجاج زي ما تحبون
الكباب
طريقة تحضيرها :
_ في وعاء نخلط اللحمٌ المفروم + ملح وفلفل أسود + بُهارات خاصه بالكباب أو عاديه لو ماحصل ،
بيضه واحده + بقسماط مُمكن نحتاجه لو في حال ماتماسكت معانا الخلطه ،
شوي كُزبرة مفرومه + ثُوم باودر + زنجبيل باودر + فلفل أحمر مطحون + شوية بابريكا +
شوية كمون ، قليل من الطماطم يكون مُقطع لقطع صغيره بس أستغنيت عنه .
وأخيراً بصل نقطعه لقطع صغيره ونبشر معاه فصيَن ثُوم مع نقطة زيت زيتون نتركهم على النار لحدَ مايذبلو ونضيفهم عاللحمه .
_ نشكل اللحمه إلى أحجام صغيره ، نضعها في صينية ونرش عليها شوية زيت
وندخلها بالفرن ونولع عليها من تحت ونتركها لحدَ ماتنضج لمَا تحسوها نضجت وأخذت اللون المطلوب ،
نقلبها من الجهه الأخرى لحدَ ماتنضج أيضاً ونقدمَها .
إستخدمت هذولي المايو + الخردل
إستخدمت هالشي ومسحت فيه الشوايه لأني بشوي الكباب ما حطيته جوا الفرن
جهزت الخبز وبالأمانه اللي نسويه بالبيت احسن بكثير بس ذاك اليوم تعجيزت اسويه
بدينا نشوي الكباب
بعد مايدفى شوي نبدأ نحطه بالساندوتش ونحط الإضافات اللي نحبها
مخلل/ طماطم / جبن سلايد / صوص الطحينة / البصل والسماق
بعد مانلف الساندوتس نتركه بالفرن او المايكرويف ثواني بس تذوب الجبنه
ونقدمه بألف صحة وعافية
ليست هناك تعليقات:
إرسال تعليق