السبت، 14 يوليو 2012

طريقة كبسة الدجاج . .






المقآدير . .
دجاجه كآمله مقطعه اربع + 4 حبآت بصل كبيره + كيس طماطم مفروم + زيت + بهارات + بهارات صحيحه + ثوم وكزبره مفرومه + 3 مكعبات ماجي + بطاطس مقطع صغيره + رز اي نوع تفضلينه
وماء للمرق


الطريقه
بعد ماتغسلي الدجاج ومن الملح ابدا اقطعه اربع
استخدم بصلتين للكشنه الكبسة
واحمرها بالقدر كل ماتشقرت صبيت مويه لين ما اوصل للون المطلوب اشقر بني بعدها احط زيت قد فنجان واحط المكعبات الماجي ملاحظه ناس تستخدم الملح بس مراح تطلع بنفس هالنكهه المطلوبه ف الماجي افضل
بعد ما احط الماجي احط ملعقة كبيره من الثوم والكزبره وهذي هي صورتها



صوره اوضح للكميه

راح اعلمكم في الاخير كيف طريقته

بعدها البهارات المشكله

من كل صنف ملعقه صغيره انا احب احط كميه محترمه عشان النكهه
وبكذا تضيفي الدجاج وتقلبي فيه واصب ربع مويه واخليها تطبخ على نار متوسطه مابين الهاديه
اخليها ربع ساعه واقلب فيها للجهه الثانيه واخليها 10 دقايق
وبعدين اصب مويه لين مايغطي على الدجاج واحط الحين كيس الطماطم

وبذكر لكم في اخر شي كيف طريقته
واحط الحين المشبك اللي فيه البهارات الصحيحه




اغطي القدر واخلي النار متوسطه واخليهم يطبخون نص ساعه واشيل بعدها المشبك الصغير وخلاص اكتفي انه اخذ طعم وريحه
واكمل طبخ لين ما احس انه الدجاج نضج
لو الماي قلت ازيدها مابين نص كاس او كاس وازود ملح قليل
حابه تحمري الدجاج براحتك شيليه وحطيه بقدر وجهزي خلطة الكاتشب + ملعقتين مرق كبيره + فلفل اسود
وابتدي امسح في الدجاج واحمره من فوق وتحت
والزر تجهزينه كالمعتاد يطبخ لين ماينضج 
قد انك جهزتي الحشوه مسبقاً /
طريقتها احمس البصل لين مايتشقر واحط زيت شوي ربع بيالة وبهارات خفيفه وماجي وثوم وكزبره خفيفه
واخر شي البطاطس بعد القلي وبس بكذا جهز كل شي
ويارب تعجبكم الطبخه

طريقة الكزبره والثوم ناخذ 3 حزم او 4 حززم كزبره بعد غسلها
مع 5 رووس ثوم بعد تقشيرهم وغسلهم ونبدا نفرم فيهم
ونعلب لنا كذا علبه حنا نسوي اكثر من 5 علب
هالثوم يفيد اول شي يفكني من غثاء كل مره ادق الثوم وتعب
سهلنا الموضوع علينا خصوصا لرمضان راحه صراحه
الطماطم بعد مانغسله نفرمه ونطبخه على النار بزيت شوي خفيف
ويطبخ لين مايثقل وبعدها نحطه بكيس
وخلاص يكفي لكبسه لـ لمرق لــ صالونه

ليست هناك تعليقات:

إرسال تعليق