دورت له طريقه باليوتيوب ماحصلت لانو لازم تشوفي كيف صور ماينفع
حاولو تفهمون علي وان شالله بتضبط معكم
دقيق بر على حسب رغبتك وملح اذا مو مملح
ومويه
تكون العجينه مو قاسيه مره ولا لينه مرره
بس اعجنو من قلب بليز اللي زعلانه من احد تحط حرتها فيها
كل ماعجنتي اكثر كل ماتماسكت اكثر
وبعدبن شكليها دوائر زي كيذا
ورشي عليها مويه علشان ماتنشف من فوق وخليها ترتاح اقل شي عشر دقايق ربع ساعه اللي يريحك
وبعدين حمي الصاج او المقرصه او التيفال اللي تسمونه وحطي شوية زيت
ولازم عندك زبديه فيها مويه تبلي يدك فيها وخوذي حبه وابدي وسعي فيها ومره تحطيها على يدك اليمين وشدي اطرافها شوي واقلبيها على الشمال وشدي بخفيف لين توصلي اقصى حد ومو شرط تكون كلها نفس السخافه او المتانه بالاغلب الاطراف تكون امتن من اللي بالوسط
وحطيها على الصاج بخفيف ولو تقطع او صارر فتحه بالنص عادي خليها تتحمر من تحت واقلبيها حطي نقط زيت على الاطراف لين تتحمر من تحت وبالعافيه
يبي لها صبر لين تتقنيها ويبي لها ثقه كمان
صوره ثانيه لها
نجي للدجاج بالكزبره والثوم
احمسي بصل مع زيت وحطي ثوم مفروم<<كثري لاوصيك يعني 3 حبات بالعاده وحطي الدجاج حطي الملح والبهارات اللي تحبينها
حطي كزبره وفلفل رومي مقطع
حطي بطاطس بس بشرط خليه بقشره يجي اطعم
وحطي شويت مويه لا تكثري يعني نص كوب تقريبا
وكل ماقلت المويه زيديها شوي بس لاتحترق انتبهي
وخليها تقريبا اقصى حد نص ساعه لين ساعه الا ربع
بالعافيه
نجي للمندي حبيب البي لانو فيه كم وحده طلبوه بالتفصيل قررت اسويه غداء علشان اصور الخطوات
بصينيه بايركس حطي رز منقوع
جيبي قدر صغير واحمسي فيه بصل مقطع صغار مره او مفروم لين يذبل حطي ملح على قده وشوية كمون وحطي مويه تقريبا كاس لكاس ونص وبعدين حطيه على الرز يكون مغطي الرز وزياده شوي حطي بهارات حب زي هيل وقرفه وحبة ورق غار اذا تبي قرن فلفل وليمون اسود وحده
غلفيه بطبقتين قصدير وخرمي بالسكين وخليها كثير علشان موية الدجاج تنزل معاها
حطي الدجاج متبل بملح وبهارات وكركم فوق القصدير المخرم وغطيهم بطبقة وحده قصدير
40 دقيقه تقريبا كافيه انو يستوي
شيلي القصدير وحمريه من فوق وبالهناء والعافيه
ليست هناك تعليقات:
إرسال تعليق