لقوالب البُف أشكال وأنواع...



أحب أستخدم المثلثة للسبانخ..
نص دائرة للحوم والأجبان..
أفضلها الحمراء...اللي هناك فوق
وأسوأها..البيضاء اللي على اليسار...
سيئه جدا..

نجي للعجينه ..
رح أشرحها بالتفصيل الممل جدا..

المقادير..
بالأكواب المعياريه..
والملاعق المعياريه
:
ربع كاس زيت أي نوع ( بالسمن تطلع ألذ)
4 كاسات دقيق..
كاس ماء دافي (ذوبي فيه ملعقه صغيره سكر ونص ملعقة صغيره ملح)
+ 3 ملاعق ماء دافيء

(البعض يحطون معاها نشاء)

نجي للطريقه:

بنحط الدقيق في وعاء العجانه...ونشغل على أوطى نمره..
بعدين نضيف له الزيت بالتدريج..
ملاحظين أستخدمنا هذي الأداة للخلط...
لحد مايصير عندنا كذا..(زي جبنة البارميزان)

:
:
بعدها...
نغير أداة الخلط..
ونحط أداة العجن ونبدا نضيف الماء بالتدريج..
:
:
بنوصل مرحله نحس العجين فشل...
ومحتاج زيادة ماء...
واصلي الخلط...عالبطيء...
لحد ماتوصلين هالمرحله..

العجين مش متماسك..
متفتت قطع كبيره...
جمعيه بيدك ...
وأعجنيه لحد مايصير كره
ضيفي عليه الماء المتبقي( 3 ملاعق)
كمية الماء القليله هذي ممكن تحطينها في أي مرحلة من مراحل العجن,,
بس أحب أتركها للنهاية ,,
>> يمكن نستغني عنها

:
:
بعدين رجعيه ...
وواصلي العجن..
طبعا العجينه ثقيله وجايه زي الكره..
فأللي يصير أنها فقط بتنضرب ...
عشان كذا يفضل تستخدمين العجان الكهربائي

أتركيها 3/5 دقايق
على سرعة بطيئه ..
أو عالسريع 2/3 دقايق..
طلعيها ...
شوفو كيف ضغطت عليها بالنص..
رحت جبت الكاميرا وصورتها...
مكان الضغط ماراح بسرعه..
مبين...

:
الحين بنقطعها 6 قطع متساويه ونشكلها بيضاوي..
نتركها شي نص ساعه لحد مانحضر الحشو...

::
حضرت حشوتين وحده دجاج بالكزبره والبقدونس..
والثانيه جبن تشدر مبشور..


❀❀❀

نبططها ونفردها على رقم واحد...
بعدين نرجعها على رقم 2..
كل مره نزيد الرقم لحد مانوصل للـ 5
وهو أفضل شي..
أداة الفرد هذي من أسرار نجاح البف...
(لأن العجينه مره ثقيله مستحيل تفردينها باليد,ولو فردتيها مارح تطلع مضبوطه)
فيه منها كهرباء وفيه يدوي
>>> حبيت اليدوي أكثر ..


...
بنقطعها بسكين حاد أو بالرول ( حق البيتزا)
وبنحشيها بواسطة القوالب...
ملاحظين هذييييك اللي ورا..
فردتها على رقم 6...صايره نحييفه ..ماطلعت حلوه
وملاحظين أنها منفوخه وهي عجينه لسا ما انقلت
يرجع السبب للقوالب..
تترك مجال للهواء يدخل جوا..

:
:
نجي للقلي..
الزيت مايكون ساخن جدا ومش بارد ..
رشي الحبه بالزيت من فوق بعدين اذا انتفخت أقلبيها
لأن البوف زي العوامات لما تقلبينه يرجع للوجه الثاني..
تمتعي بألذ بوف