استخدمت للكيك " طريقة كيكة الرمل بكتاب النخبة "
المقادير :
علبة زبادي
3 بيضات
3/4 كوب سكر
1/2 كوب زيت
1 1/2 كوب دقيق
ملعقة بيكنج بودر
رشة فانيليا
.
احتجت تقريبا ربع كوب حليب . لان الخليط كان ثقيل معي شوي . لكن الوصفه الاساسيه بدون حليب .
تخلط المقادير السائله بالخلاط الكهربائي مع الفانيليا وتصب على الطحين وبعد خلطها جيدا نضيف ملعقة البيكنج بودر ونخلطه بشكل خفيف .
ثم بمغرفه متوسطة الحجم ناخذ من الخليط تقريبا مرتين ونعبي كل قالب حطينا فيه الكراميل والاناناس
. ادخلها الفرن ..تقريبا تاخذ نصف ساعه للنار تحت ثم احمرها من فوق ..
طريقة عمل الكراميل :
1_ في مقلاة نضع سكر ابيض " تقريبا كوب ونصف " وندعه على نار هادئه لين يبدا يذوب نحركه بالملعقة عشان نسرع بعملية الكراميل وبنفس الوقت مايتحول للون غامق . نبغاه زي لون العسل عشان يحافظ على حلاوته ومايتحول لمرار .
2- نجهز قوالب السوفليه ونضع ملعقتين او ثلاثة من السكر الكراميل في قاع القالب . ونضع فوقها شريحة اناناس .
استخدمت علبيتين صغيره الحجم للاناناس المعلب . كل علبه فيها 4 شرايح .
تحتاجون نصف علبه اضافيه .. وهذا شكلهم :
حاولوا تحطون الاناناسه بالنصف . الصوره كانت لتجربتي الاولى بعدين تطورت
3- نجهز خلطة الكيك , ونسخن الفرن بهذي الاثناء
مقادير الكيكة :
سبق ذكرها بالبدايه .
بعد مايطلع من الفرن اكون حافظه عصير الاناناس اللي يكون بعلب الشرايح
اسقي كل قالب ملعقة او ملعقة ونصف .
عند قلبها تسوين فيها زي الكريم كاراميل . تضغطين على الحواف ثم تقلبينها وتضربينها بشويش من عند القاع لين تنزل الكيكه .. بس انتبهوا لان الكيكه هشة فخلوا العمليه بشويش .
انا تركتهم يبردون مرره فرجع لصق الاناناس مع الكراميل الافضل تخلونها تبرد شوي وتقلبونها على طول
وهذا شكلهم بلصينية :
هالوصفه تسويلك 12 حبه لو اتبعتي نفس الكميه اللي استخدمتها بتوزيع الخليط على القوالب .
هذي التجربه الاولى استخدمت خليط كيك جاهز , بس الكيك فوق عجيب مع الاناناس اتمنى تجربونها .
ليست هناك تعليقات:
إرسال تعليق