المقادير :
رشة أوريقانو ع الوجه
جبنة موزريلا
جبنة تشدر بتطلع آحلى فيها ..
2 بصل كبير مقطع شرايح
شوية ملفوف مقطع شرايح
4 حبات صغيرة فلفل رومي مقطع شرايح (ممكن تستخدمين حبتين كبار بس مالقيت الا صغار)
الملفوف و الفلفل نفس المقدار
و م طعام عصير ليمون
وشوية كزبرة
دجاجة مسلوقة (استفدت من مرقة السلق بسلق المكرونةفقط)
مكرونة أنابيب
م طعام خل
م طعام ملح
2 م طعام صلصة بنزل صورتها لكم
زيت زيتون
الطريقة:
تسلقين الدجاج
صفية وحطي المكرونة بزيت عادي وبهارات صحيحة في نفس مرقة الدجاج يعني زيدي زيت لما تحطين المكرونة عشان ماتنهرس تنسلق نص استواء
جيبي قدر ثاني ويكون كبير
احمسي البصل في الزيت زيتون ليييييييييييين يذبل اقوى شيء انا ذبل معايا بس فيه ناس قالوا ليه ماخليتيه يذبل كمان
حطي الملح وبعد حركي
حطي الكمون وحركيه وإذا احتاج زيت زيدي
حطي ملعقة الخل , حطي الملفوف والفلفل و عصير الليمون وحركيهم سوى لييييييييين تذبل
وبعدين حطي الصلصلة
بيطلع احمر مرآآآ لاتخافون زيي عادي ترى
حطي المكرونة وحركي حركي لين تتجانس مع الكشنة السابقة
وبعدين حطي الكزبرة _ماقطتها غسلتها وحطيتها لأني احبها تعطي طعم فقط _
وحركيها مع المكرونة لين تذبل ..
وبعدين صبيها بصينية بايركس
وحطي فوقها جبنة تشيدر >>ماحطيت لان مافيه :/ ..
وحطي فوقها موزريلا ورشيها بأوريقانو ودخليها الفرن بس تذوب الجبنة من فوق (خمس دقايق لين تخلصين المواعين الي راكمتيها وافتحي الفرن تلاقينها خالصة) ..
وبالعافية عليكم
الليمون انا ماتعمدت وعصرته لا قطعته ارباع عشان الي يحب ياكله مع المكرونة وحطيته في نفس صينية الفلفل والملفوف فلما جيت احط الفلفل والملفوف انكب شوي من عصيرة ع البصل وهو ينحمس قلت اقولكم ..
الموزريلا تمططت لما جينا ناكلها
ف نصيحة لاتكثرون مثلي لاني ماحبيت الموزريلا لوحدها غيري يقول بالعكس تجنن بالنسبة لي بقلل المرة الجاية ..
يمكن بعد لاني ماخلطتها مع جبن التشيدر فماطلعت وااااو
الكمية لأشخاص كثير يعني كيس واحد مكرونة يكفي كثير
الصلصلة الي تكلمت عنها فوق هذي صورتها :
ليست هناك تعليقات:
إرسال تعليق