.
.
.
.
الطريقه والمقادير سوا ~
أول شي نجهز الحشوه ..
نحمس بصل في شوية زيت بعدين نضيف له مكعب ماجي
بعدين نضيف دجاج مفروم ونقلبه لمدة 7 دقايق
( دجاج مفروم : يعني نسلق صحن صدور دجاج بعدين نفرمه مع كمون وفلفل اسود وجزر مبشور) لاتحطون ملح لأن الماجي مالح
>> بعدين نضيف فلفل رومي مكعبات صغنونه ونقلب >> بعدين نضيف البهارات اللي تعجبكم
آخرشي >> 2 ملعقه كبيره صوص صويا + 3 ملاعق كبيره مويا .. ونتركها خمس دقايق على نار عاليه .. وبس
ثاني شي نجهز الصوص الابيض
اللي هو عباره عن ( نص علبه قشطه +2 ملعقه كبيره جبن سايل +2 ملعقه كبيره مايونيز +رشه ملح +رشه بودره ثوم )
الحين الخطوات
1/ نحط اوراق الكب كيك بصينية الكب كيك
2/نفرد التوست فرد بسيط ونقطعه بقطاعه دائريه كبيره
انا ماافرد التوست بس اقطعه بالقطاعه
3/ ندخل التوست الصينيه تبع الكب كيك وندهن كل وحده بشويه من الصوص الابيض
4/ بعدين نحط حشوة الدجاج .. بعدين جبن مبشور .. بعدين ملعقه من الصوص الابيض
الجبن المبشور .. لك الحريه بالاختيار إما تشدر كرافت او موزاريلا
5/ ندخلها فرن حار من تحت 10 دقايق ومن فوق لين تتحمر
.
ليست هناك تعليقات:
إرسال تعليق