* المقادير : ( طبعا انا سويت كاسة رز والمقادير مره مناسبه لها
تكفي لشخصين تقريبا )
- نصف دجاجه بدون الجلد مقطعه لقطع صغيره
- 3 حبات بصل مفرومين فرم ناعم + 3 حبات بصل مقطعه لجوانج و مقليه
- 3 حبات طماطم بدون قشرها مقطعه لقطع صغيره
- زنجبيل + 3 فصوص ثوم
- زبادي
- بهارات برياني + كاري + كزبرة مطحونه + فلفل أسود + كركم + ماجي
- بهارات عدله اللي استخدمها اسمها بهارات برياني حب
- صفار الزعفران
- كزبره مفرومه فرم ناعم
,’
* الطريقة :
- في وعاء نضع الزبادي + قليل من ( كاري + بهارات برياني + كزبره مطحونه + كركم + فلفل أسود ) و ننقع فيه الدجاج ونتركهم في الثلاجه لمده 3 ساعات
- في الخلاط نطحن الزنجبيل مع الثوم مع شوي مره زيت زيتون لحد مايصير عندنا معجون الزنجبيل و الثوم
- في الوعاء الي راح نطبخ فيه نضيف شوي زيت زيتون و بهارات عدله ولما تبدا تطلع ريحتها نحاول نشيلها من الزيت عشان ماتطول وتحترق لاننا اخذنا الطعم المطلوب فما راح نحتاجها بعد كذا
- نضيف البصل المفروم ولما يذبل نضيف له خلطه الدجاج والزبادي
- لما يتغير لون الدجاج ويبدأ بالاستواء نضيف له الطماطم و حبة الماجي ونخليه يطبخ شويه على نار هاديه
- نضيف له معجون الثوم والزنجبيل انا حطيت تقريبا ملعقه كبيره مليانه
- نرجع نزيد الدجاج بهارات ( كركم + كاري + كزبرة مطحونه+ بهارات برياني )
- نسلق الرز في مويه وزيت وشويه بهارات عدله
- بعد مايستوي الدجاج نجيب قدر و نضع شوية رز بعدها خلطه الدجاج كلها وبعد كذا كميه الرز الباقيه
- نضيف لها خليط الزعفران اللي منقوع في شويه مويه ونسويه زي خطوط فوق الرز
- نضيف البصل المقلي فوق الرز + كزبرة مفرومه فرم ناعم
- نغطيه بقصدير ونحطها على نار هاديه جدا جدا لمده ربع ساعه
بعدها قدميه واستمتعي بالطعم
؛
ملاحظات :
- معجون الثوم والزنجبيل رااااائع جدا كنت اسويه قبل بدونه بس لما جربته فعلا يابنات فرق الطعم
- البهارات العدله اللي صورتها تحت جدا رائعه حتى لو بتعملون رز عاد جربوها راح تغير الطعم
- البصل والكزبره الي حطيتهم اخر شي على الرز برضوا راااائعه و جربتها وانا اعمل رز عادي وبرضوا اعطت نكهه روعه
- هاذي صورة البهارات العدله اللي استخدمها
ليست هناك تعليقات:
إرسال تعليق