المقادير والطريقه سوا
اول شي ننقع برغل لمدة ساعتين ثلاث عادي
نطلع لحمه مفرومه نقسمها نصيين
النص الاول نسوي الحشوه
عباره عن لحم مفروم وبصل مفروم نحمسهم بشويه زيت ونحط بهاراتنا الي متعودين عليها ونحط بالاخير عليها صنوبر محمص ونترك الحشوه على جنب
نجي للكبه نفسها نصفي البرغل من المويه نهائي نحط معها نص اللحمه المفروم تكون طبعا نيه ونحط معها بصل مقطع كبار وشوية كمون وشوية ملح وفلفل اسود واي اضافه حابتها براحتك وبعدين نفرمهم بالفرامه او الطاحونه فرم ناعم لين تتكون عندنا زي العجينه
النقطه المهمه والي تخلي الكبه تتقرمش من برا وطريه من جوا هي طريقة الحشو والتكوير
نجيب على جنب نشا ونجيب شوية مويه وعندنا عجينة الكبه والحشوه
تحطين بيدك مويه وبعدين نشا تتكون على يدك طبقه زي العجينه بس خفيفه مره وبعدين تبدين تكورين الكبه وتحشين الكبه اهم شي تكون الحشوه مو كثيره ولا قليله وتسكرينها كويس وتصفينها وافضل شي قبل القلي تحطيها بالفريزر تتماسك شوي وبعدين تقلينها وبالعافيه
اما طريقتها باللبن
الكبه لما تقلينها خليها على جنب وبعدين جيبي شوية نشا ولبن واخلطيهم مع بعض وبعدين حطيهم بقدر وعلى النار لين يغلي شوي حطي معه شوية كمون وفلفل اسود ورشة ملح وحطي الكبه بصحن وصبي اللبن فوقه وبعدين حطي فوقهم سمنه او زبده او زيت زيتون حار عليه شوية ثوم مفروم وكزبره وصبيها فوقها
ليست هناك تعليقات:
إرسال تعليق