المقادير مع الطريقة
تسلقي اللحمة بعد تنظيفها من الشحم والعظم لقطع لاهي صغير ولا هي كبيرة
أنا بسلقها في موية + بصلة
وتشيلي الزفرة كل ما أتكونت على الوجة بعد كذا تقدري تقفلي قدر الضغط
تقمعي البامية يعني تشيلي راسها بشكل دائري من غير ماتطلع بدورها عشان لاتتفرفط وقت الطبخ وتغسليها مضبوط وتحطي في مقلاة شوية زيت والبامية وتقلبي لما تبدأ تحمر شويات بس شيليها من الزيت وحطيها على جنب
في نفس المقلاة نتفه زيت وثوم قرابة 5 فصوص ونص حزمة كزبرة خضرا وملعقة حلى كزبرة ناشفة وقلبي على تذبل بس وطفي عليها
في قدر ثاني تحطي
زيت + بصل جوانح رفيعة تقريبا بصلة كبيرة
وتضيفي اللحمة وقلبيها مضبوط مع البصل + بهارات مشكلة عبارة عن كمون كزبرة ناشفة فلفل أسود - الكمون ضروري لأن البامية تسبب غازات ونفخة بطن
بعدها ضيفي عصير بندورة أنا حطيت 3 صغار + ملعقتين أكل معجون طماطم + مكعب كامل ماجي ومويه ولاتكثري مويه كثير لانه معروف الباميا مرقتها مو خفيفة
خليها تغلي كم غلوه وأضيفي البامية اللي قلينها وأتركيها تنضج
بعد النضج أضيفي رشة نعناع ناشف والثوم والكزبرتين اللي في المقلاة وأخر شي قبل تطفي النار عليها أضيفي نص عصير ليمونة
ملاحظة عني ما أحب أستخدم موية سلق اللحمة
ممكن إذا انت بتحبي تستخدميها بعد ماتشيلي منها البصلة بس مو كل الكمية لانها كثير على قوام بامية متماسك وتخين
ليست هناك تعليقات:
إرسال تعليق