المقادير
3 حبات بصل تقطع انصاف دوائر وتقلى في الزيت الين تسير بني
2 علبة زبادي
قطعة صغيرة زنجبيل اخضر مبشور ناعم
ملعقة اكل ثوم مفرم
ا دجاجة مغسولة ومنزوعة الجلد
ملعقة الحلا بهارات
(بهار مشكل _ قرفة مطحونة _ كركم _ كزبرة ناشفه _ كمون _ فلفل اسود _قليل صبغة الزعفران)
نص كوب كزبرة مفرومة
نص كوب نعناع مفروم
كاستين ونص رز انا استخدم ابوكاس او الوليمة
زعفران مذاب في نص كوب ماء
الطريقة
1/ يقطع البصل انصاف دوائر رفيعة جدا ونقلية في زيت الين يسير لونو بني
2/ اطحني البصل في المطحنة حقت البصل وهنا السر اللي يعطيه نكهة رووعه
3/ اخلطي الزبادي مع الزنجبيل والثوم والبصل(اللي قلينها وطحناه )
والكزبرة والنعناع المفرومين والبهارات والملح
وحطيها على الدجاج وقلبي الين يتجانسو
4/ حطي الدجاج اللي خلطية مع الزبادي في قدر على نار هادئه الين يستوي الدجاج
طبعا لا تحطو موية لانو الدجاج والزبادي حيخرجو مويتهم
وخليه على نار هاديه ساعه او الين يستوي الدجاج
5/ في دي الفتره سوي رز ابيض عادي نص استواء
6/ اذا استوا الدجاج حطي الرز عليه وحطي الزعفران على الوجة
وقليل من صبغة الزعفران على الوجه عشان تعطي الرز لون
7/غطي القدر وحطية على نار هادية جدا وغطية واتركية ربع الى ثلث ساعه
8/قدمية ورشي عليه قليل من الكزبرة الخضرا للزينة ويقدم مع سلطة اللبن
طريقتي في سلطة اللبن
2 لبن زبادي _ قليل من الكزبرة والنعناع المفرومين _ ملح _ فلفل _ ثوم مفروم _ 2 فلفل اخضر حااار
ليست هناك تعليقات:
إرسال تعليق