ماصورت المقادير بس ندخل على الطريقه على طول
اول شي نخلط في فرامه الكهربه حبه بصل مع فصين ثوم
ونقسم المقدار نص مع اللحمه المفرومه والنص الثاني نحطه على القدر
في الصوره الاولى اللحمه المفرومه حطيت عليها البصل والثوم ولو فيه كزبره تطلع خيال
بس ماكان موجود عندي
وحطيت عليها كمون وكزبره ناشفه وشويه قرفه وملح وخلطتها مع بعض مزبوط
وكورتها وحطيتها في صينيه مدهونه بشوي زيت زيتون وعلى الفرن
ماتاخذ كثير قريب 10 دقايق فقط
على بال ماتستوي اللحمه في الفرن ناخذ قدر ونحط فيه باقي البصل والثوم الي في الخلاط
اقلبه شويه واحط عليه بهارات
حبه ماجي وشويه كون وكزبره ناشفه وسري الخاص شويه سكر
ماتصدقون قد ايش لذيذه بس مو تكثرون مقدار نص ملعقه تقريبا
في نفس خلاط الكهربه ناخذ بندوره معلبه واخلطها
انا استخدم هذا النوع
واحطها على البصل والثوم ونجي للسر الثاني احط شويه خل اسود
والله روووووووعه جربوها ماتندمو
بهذا المقدار
على بال كذا تكون الحمه جهزت نخرجها من الفرن ونحطها على الايدام
تكون مرقه اللحمه نازله منها اضيفوها كمان مع الايدام
ونضيف بطاطس مكعبات ونزيد على مقدار المرق شويه مويه علشان تتسبك الطبخه
ونخليها على نار واطيه جدا ونغطي القدر
ونتركها اليين ماتنضج البطاطس ويتسبك المرق ولما تستوي نضيف عليها كزبره خضرا
بس زي ماقلت ماكان عندي بس مررررررره مهمه للطبق
وهذا شكلها في النهايه جربوها وصدقوني راح تعتمدو على هذي الطريقه
ليست هناك تعليقات:
إرسال تعليق