المقادير :
الكيكه هي كيكه الزبادي اي طريقه عندك سويها اللي تحسينها تضبط معك وتفضلينها
أنا عملت هالطريقة ( كاس دقيق - 2 بيضه - علبه زبادي { او ممكن تستبدلينه بنص كأس لبن }
- ربع كأس زيت - ملعقه كبيره بكنج بورد - شوي فانيليا - نص كأس سكر )
الطريقه ..
اخلطي في الخلاط البيض و السكر و الزبادي و الزيت والفانيليا
ثم حطيهم في زبديه واضيفي لهم الدقيق وابكنج بورد واخلطيهم باتجاه واحد
وبعدين تصبينهم بالصينيه اللي تفضلين صينيه التشيز كيك أو قوالب الكب كيك السيلكون أو الورقيه
انا عن نفسي أكره التقطيع يخرب كل شغلي
عشان كذا دايم بالكيك أستخدم قوالب الكب كيك السيلكون أو الورقيه
وبعد ماتصبين الخليط بالقوالب تحطين على الوجه قبل تدخلينه الفرن الحشوه
وتكونين مجهزتها قبل تسوين خليط الكيكه اللي هي
( نص اصبع زبده مذوب عالنار نضيف له 13 حبه بسكوت دايجتسف أو ممكن تستبدلينه نص بكت بسكوت شاهي ( بس الصدق بسكوت دايجتسف ألذ )
ظرف كريمه + ملعقه صغيره نسكافيه + مثلها قرفه + نص كأس سكر بني نقلبهم عالنار دقيقه بعدين نوزعها عالوجه )
تدخليها فرن حامي لمده 7 دقايق بعدين توطين عالنار تكون وسط لمده 5 دقايق
بعدين تسكرينه من تحت وتشغلينه من فوق شوي بس لحد ماتتحمر الكيكه وطلعيها
وتسقينها بالكراميل الجاهز وهي حاره
وتخلطين في الخلاط : ربع حليب نستله + 4 جبن
وتوزعيها عالوجه بشكل خطوط
وإذا سويتي الطريقه اللي آخر شي دخليها الفرن على حرارته الاولى
واتركيها تقريبا 5 دقايق عشان تتماسك الخلطه البيضاء أفضل
أنا عن نفسي ماحطيت لا كراميل ولا الخلطه البيضاء أكتفيت بحليب نستله صبيته عليها وهي حاره ولذيذه
ليست هناك تعليقات:
إرسال تعليق