أول شئ أي عجينة فطاير
العجينة اللي استخدمتها في عمل الخبز هي عجينتي العادية اللي استخدمها في المعجنات
انتي استخدمي أي عجينة معتمدتها وافردي دائرة وخليها سميكة شوي
حمي الصاج وامسحيه بشوي زيت اذا حابة وحطي العجينة عليه وقصري على الصاج
وقلبيها لين تنضج وتتحمر ثم على طول في حافظة عشان تحافظ على طراوتها
العجينة اللي استخدمها عبارة عن:
3 أكواب دقيق الكويت
ربع كوب زيت
2 ملعقة سكر
1 ملعقة كبيرة خميرة
1 م صغيرة باكنج باودر
ملح
نصف كوب حليب بودرة ,
أحيانا أضيف (جبن مثلثات أو كيري أو زبادي ) وتطلع قطنة
موية للعجن
طريقتي في العجن :
أجمع كل المقادير في العجانة مع بعض
واشغلها واتركها من 5 الى 10 دقايق بعدين أخمرها من نصف الى ساعة تقريبا
سويها أقراص دائرية وحمريها على الصاج
ثم حطيها بحافظة لين نجهز الحشوة
اللي ما يبغى الحوسة والتعب يستخدم عجينة التورتيلا الجاهزة أو الخبز المكسيكي
ثاني شي
نقطع صدور دجاج مكعبات متساوية ونتبلها ب
( بيضة , ثوم , خل , زيت زيتون , صويا , بهارات مشكلة, بابريكا , عصير ليمون )
نتركها على الأقل ساعة بالتتبيلة ثم نغمس قطع الدجاج بالطحين وتقلى
في علبة بلاستيكية نخلط كلا من
تتبيلة أجنحة الدجاج الحارة والنوع الثاني اللي بالبابركيو( ماركة فريشلي ) وشطة حارة أبو ديك
ثم نضيف قطع الدجاج المقلية ونسكر العلبة ونرجها زين
عشان نضمن انها تشربت بالخلطة من جميع الجهات
نجيب الخبزة اللي سويناها من قبل
وندهنها ب ( مايونيز + صلصة رانش )
ثم قطع الدجاج ونضيف الخس المفروم وجبن تشيدر مبشور
ونطويها على بعض ونثبتها بعود الاسنان
نسخنها شوي بالمايكرويف قبل التقديم
ليست هناك تعليقات:
إرسال تعليق