الأحد، 15 يوليو 2012

/ حلى كاسات





ط1/ كيك جاهز مفتت او مقطع

ط2/ خليط من
((علبه حليب سايل + ظرف كريمه + ظرف دريم ويب + 5 حبات جبن
+ 2 ملعقه حليب نستله ))
تخلط ويؤخذ نص الخليط على جنب

ط3/ بسكويت مفتت

ط4/ خليط الطبقه 2
يوضع معه 2ملعقه كاوكاو بودره + ملعقه حليب نستله
ويخلط ويوضع طبقه رابعه

ويزين ببسكويت مكسر

/ حلى النوتيلا





ط1/ بسكويت شاهي مغمس بحليب ويصف في صينيه بايركس

ط2/ خليط من نص علبه قشطه + 3 ملاعق نوتيلا
تخلط وتوزع على البسكويت

ط3/ طبقه بسكويت مغمس بالحليب

ط4/ خليط من نص علبه قشطه + 3 ملاعق سكر بودره + 4 حبات جبن كيري او مثلث
+ 3 + ظرفين دريم ويب + نص كاس حليب بارد
تخلط وتوزع على الطبقه البسكويت وتدخل الفريزر لما تجمد الطبقه تقريبا ساعتين

ط5/ ملعقه قشطه + شوي حليب سايل + ملعقتين نوتيلا
تخلط وتصب على شكل خطوط على الطبقه البيضاء وتزين بالشوكه او السكين
ثم يبشر عليه جالاكسي

{ الجبنيه ,,





{ الطريقة والمقادير ,,

كاس دقيق
م ص باكينج باودر
4 ملاعق جبن سائل
تعجن وتقصونها بأي شكل تحبون
بعدين تقلونها في الزيت وتشيرونها
وتقدم وبالعافيه

{ بانيني الدجاج المشوي ,,






{ الطريقة والمقادير ,,

اي عجينة فطائر معتمده عندك
انا عجينتي المعتمده لغرور أثنى ربي يسعدها
مقاديرها
3 كوب دقيق ويفضل الكويتي
ممكن تزيد أو تنقص حسب الدقيق
3 ملعقة حليب بودره
1 ملعقة بيكنج بودر

تخلط هذه النواشف في زبدية إلى أن نخلط باقي المقادير وهي:
في الخلاط:
1 علبة زبادي دافئ
1 بيالة زيت
1 ملعقة خميرة ونص
فنجان سكر
شوي ملح
مقاس علبة الزبادي ماء دافى
تعجن وتخمر ساعه في الفرن او في مكان دافئ
نفردها بحيث تكون متوسطه مانخليها سميكه
ولا رقيقه ونشكلها بشكل البانيني
وتمسح بالحليب والبيض ولكم الخيار لو حبيتوا تضيفون لها سمسم او حبه سوداء او تخلونها ساده
نخبزها في الفرن ونحشيها
عملت حشوتين
دجاج فيليه مشوي مع خس وجبنة وطماطم وصوص رانش وخردل
والحشوة الثانيه مرتديلا مع خس وجبنة وطماطم وصوص رانش وخردل
تحمصونها في الشوايه وتقدم وبالعافيه ..

حلى النكهات او الطبقات








المقاديروالطريقه :
4بكيتات دريم ويب
نص كاسه حليب بارد
فانيلا
8 حبات جبن كيري
نص علبه حليب نستله الكبير

تقسم لثلاثه اقسام :
الجزء الابيض كماهو
الجزء البيج اضفت له توفي تقريبا اربع ملاعق كبيره" نفس الي عملته التوفي فوق"
الجزء البني اضفت له ملعقتين شوكولاته بورده
وبالاخير اضفت حبه مالتريزر ع كل كاسه

ساندوتشات الكريب الخفيفه......▕




لعمل الكريب:-
2كوب طحين أسمر
1كوب حليب
1كوب ماء
ملعقة صغيره باكنج باودر
ملعقه صغيره ملح
ملعقه صغيره سكر
بيضه
ملعقه كبيره زيت نباتي
ملعقه صغيره زعتر
---




الطريقه:-
تخلط المواد الجافة على حده
وتخلط المواد السائله على حده بمافيها البيض..
تضاف السوائل للمواد الجافه وتخلط حتى نحصل على عجينه شبه سائله
تستخدم مباشره
يسخن صاج مصنوع من التيفال
تصب عجينة الكريب وتملس بواسطة ملعقة الغرف للحصول على قرص
--
الحشو:-


قطع صغيرة من لحم الدجاج الهبر
يقلب على النار حتى ينضج
يتبل بالثوم والفلفل لاالاسود والزعتر البري
يضاف له البصل المفروم بعد ان يقلى بملعقة زيت صغيره
يضاف له ملعقه صغيره جبن مطبوخ (سائل)
ملعقه صغيره مايونيز
ملعقه كبيره زبادي
ثم يخلط ويقلب جيدا
تحشى رقاقات الكريب بالدجاج ويضاف الخس
تشوى في المشواة الكهربائيه
وتقدم مع المخلل

التوفي ..





كوب سكر
علبة حليب مبخر ( ممكن قشطه )
فانيلا
لإضافة لمعه للتوفي ولتعزيز النكهه نحتاج لـ :-
ملعقه كبيره كورن سيروب + ملعقه كبيره زبده
---

نرفع السكر على النار...حاولي ماتحركينه بقدر الأمكان..
بس تميلين القدر من جهه للثانيه ..



كيف نعرف انو السكر ذاب وجا وقت نصب الحليب عليه...!!!
لاحظوا في الصوره الي فوق السكر لسا ماذاب تماما ...شكله ذايب بس لو تلاحظون أنو اللون (كدر) موب صافي
بالإضافه أنو فيه بالقاع حبيبات صغيره ...دققوا كويس وتأكدوا انو فيه سكر تقريبا بودره يعني بقى شوي لايذوب..
هنا لو صبينا الحليب رح يكلكع معانا ../ يقطع .
نحرك شويه لحد مانحصل على هالنتيجه:-




الصوره موب واضحه جدا...اللي تحت بالقاع رغوه وفقاقيع صغيره ..موب سكر بودره..
الحين جاء الوقت نصب الحليب عليه أو القشطه...
لحظه ...
في وقت العمل على السكر نكون رفعنا الحليب على النار ..
وضع الحليب أو القشطه على السكر مع اختلاف درجة الحراره هو السبب الرأيسي في ظهور القطع ..
طيب نجي للحليب نحط عليه ملعقة سكر او ثنتين + الكورن سيروب + الزبده + الفانيلا ...ونرفعه على النار حتى يغلي ..
---
الحين السكر جهز والحليب ساخن على جنب ، نصبه عليه مع التحريك ..
طبعا راعي انو القدر يكون عميق لأن المزيج بينفش ويطيش عليك..




بنرفع القدر ونحطه بحمام مائي (الماء من الحنفيه موب بارد ولاحار) >> عشان نوقف طبخ التوفي
ونحرك لحد مانحس انو التوفي تجانس ..
الحين التوفي جاهز عندك...
تمتعي بتوفي لذيذ وسهل
نسيت أقول ملاحظه / سمك التوفي يعتمد على السكر ...اذا زودتي كمية السكر بيثقل .




حلى الذهب











المقادير:

حليب نيدو

قشطه + حليب مكثف + قشطه + جبن كيري

اوريو مطحون + جالكسي مبشور

الطريقه :

نحمص الحليب النيدو على نار هادئه

وبعدها نحط فالخلاط قشطه + حليب + الجبن

وبعدها نحطها على الحليب النيدو

وبعدين نرش الاوريو الجالكسي فوقه

(حلى القوالب )




الطبقة الأول / كيك فانيليا + قشطه بالخلاط / .....و كريمه + مغليه مع نسكافيه + وملعتقين حليب بودره وشوية سكر ونخلطهم مع بعض
.... الطبقة الثانيه / نسكافيه / كاكاو بودره / كريمه / مويه


سآندوشآت دجاج







الطريقه والمقآدير سوآ :

دجاج فيليه نقطعه مربعات وبعدين نحمسه ع النار مع شوي ثوم بسس
< سر الطعم أننا حمسناه بثوم بس بدون بصل
نضيف لهم ( ملح + بهارات + فلفل أسود + اوريقانو )
نحركهم لما ينضج ونقفل عليه ونبداء نسوي السآنودش
طبعآ تجيبين خبز تورتيلآ الجآهز ( الاحمر + والأبيض )
ندهنهآ بشوي مآيونيز + وصلصه الفلفل لو تحبونها

ونضيف لهآ \
خس + بطاطا مقليه + مع ( بصل مقطع طوال + بقدونس مفروم + سماق )
و الدجآج $=

.. حلا السميد ..






المقادير:
كيس شعيرية باكستانية ( او اي نوع متوفر )
كاس سميد
علبة قشطة
علبة حليب محلى
12 حبة جبن كيري
جالكسي للزينة

الطريقة :
نحمس السميد مع الشعيرية بعد تكسيرها جيدا ثم نعجنهم بالقشطة وربع علبة الحليب المحلى
ومباشرة نضعها في كيس مقوى ونسكرها وكل شوي ناخذ منها قطعة صغيره ونحطها بالقالب اللي نبيه
وبعدها نحطها بالفريزر وبعد ما تجمد نطلعها ونكون خالطين الجبن مع باقي الحليب المركز ونبدا نصب فوق كل وحده وبعدين نذوب جالكسي ونحطه على شكل نقط مثل الصورة ..
وترى القوالب اللي في الصورة قوالب ثلج مهب قوالب سيلكون ..




,, حلا القهوة ..






المقادير :
بسكويت شاهي مطحون
زبدة
علبة زبادي
7 فناجيل حليب مجفف
3 فناجيل سكر
كاس ونصف ماء
ملعقتين نسكافيه صغيره ..
ظرفين كريمة كراميل ..

الطريقة :
نعجن البسكويت مع الزبدة ويفضل ان تكون الزبدة باردة شوي يعني ما نخلطها وهي سايلة لا وهي باردة
ونقطعها تقطيع ..
بعدين نصفها بقاع الصينية لحد ما تنشف يعني تحسينها جمدت
بعدها نحط بالخلاط الزبادي والسكر والحليب ثم نصبها فوق البسكويت وندخلها الفرن من تحت مو فوق لحد ما نشوف ان المقادير جمدت بعدين نحطها بالثلاجة ..
بعدين نحط الموية على النار ونضيف لها النسكافيه لحد ماتغلي بعدين نضيف الكريمة ونسكر عليها ونصبها فوق المقادير السابقة ..



سندويتشات الدجاج



المقادير :
صدور دجاج تقطع صغار , نحمس بصل وزيت مع بعض لين يذبل ثم نضيف الدجاج وملح وفلفل اسود وشوي كمون ونقلبهم سوا ليين تنشف الموية وينضج الدجاج
نجيب فحمة نكون قد حطيناها قبل ع النار لين تولع شوي ونسوي زي طريقة المندي
• فنجال نغلفه بقصدير ونحط زيت , نحطه بوسط الدجاج ونجهز القصدير اللي بنغطي فيه الدجاج , نحط الفحمة بوسط الزيت اللي بالفنجال ونغلفه بالقصدير علطول ونتركه ياخذ النكهة .
• بهالوقت نكون مجهزين بطاطس مقلي , وخيار مخلل وخبز , الخبز اللي استخدمته اظن يسمونه الخبز المصري , يكون منفوخ ولذذيذ وتقدرين تفكينه من الوسط , فكيته وحشيته بالدجاج وقبل ما احشيه اضفت له ملعقة مايونيز وخلتهم سوا وحشيت
ثم نحط البطاطس والمخلل وبس بالعافية ()


وهنا غيرت الخبز



مصابيب بالعسل






بالخلاط الكاس : نص كاس دقيق بر – ذرة ملح – بيضة – نخلطهم لين نحصل على سايل مائل لانه يكون ثقيل . نضيف له ملعقةحبة سودا ونخلطهم بعدين نصببهم ع الصاج
عند التقديم نحط عليهم شوي زبدة مذوبة وبعدين عسل مع كاس حليب دافي

سلطة بدجاج الشاورما






المقادير والطريقة :
فيليه دجاج يقطع صغار, ويحمس مع بصل وفلفل بارد اخضر وملح وفلفل اسود وبهارات لين تنضج
نقطع خس امريكي – فلفل بارد ملون اصفر واحمر وخيار مقطع نص شريحة وبصل ابيض بشكل طولي وتخلطهم سوا
الصوص : علبة زبادي – ملعقة صغيرة مايونيز – ملعقة كبيرة زيت زيتون – فص ثوم – ملح – فلفل اسود
نخلطهم سوا وتقدم حسب الرغبة اما تكون فوق السلطة او بصحن جانبي



وهنآآ


//

السمبوسة



طبعاً هالسمبوسة بالدجاج والخضار
نبدأ بالحشوة

الدجاج
تُفرم 3 صدور كبيرة دجاج وتحمس مع البصل والملح والفلفل

الخضار
\ تسلق الخضروات التالية نصف سلقة : بطاطس – جزر – فاصوليا
بعد استواء الدجاج والخضار تخلط مع بعض
العجينة
• كل كآسة دقيق لها م ك زيت
مثلا: 5 كآسات دقيق لها 10 ملاعق كبيرة زيت
ولها برضو م ك ملح و 2 كأس ماء
يفرك الدقيق والملح بالزيت جيدا وهذا مهم عشان يعطي العجينة القرمشة وبعد ما يتداخل يضاف الماء للعجينة

البسبوسة بالقشطة والشعيرية





المقآدير : 1
كآس ونص سميد
كآس سكر
كآس حليب بودره
علبه قشطه
نصف بيآله زيت
م ك بكينج بآودر
+

المقآدير :2
علبه قشطه
4 حبات جبن كيري
شعيريه باكستانيه


تخلط المقآدير 1.. وتصبينها بالقوالب .. او تقدرين تسوينها قالب واحد كبير ..
بعد ماتطلعينها من الفرن تصبين عليها شيره ..
وخلطه القشطه والجبن بالخلاط .. (( علبه قشطه+ 4 جبن كيري))
تحمسين شعيريه بآكستانيه وتضيفينها فوق القشطه والجبن

معمول بالقشطة



المقادير:
علبة قشطة التاج 170 غرام
3 كاسات دقيق أبيض منخول
1/2 كاسة زبدة
1/2 كاسة زيت
1/2 ملعقة طعام خميرة
ملعقة بهارات مطحونة لكل من "شمر , يانسون"
ذؤة ملح
ذرة سكر
مقادير الحشوة
1/2 كيلو تمر مطحون
1/2 ملعقة طعام هيل مطحون
1/4 كاسة سمن أو زيت
الطريقة :
*ضعي التمر في قدر وضعي عليه السمن والهيل وضعيه على النار وقلبيه جيداَ واتركيه يبرد
*ادهني يديك بالزيت وكوري التمر بالحجم الذي ترغبين فيه
*ضعي الدقيق في زبدية وضعي عليه البهار والخميرة والملح والسكر وقلبيه جيداً
*ضعي القشطة في زبدية وضعي عليها الزبدة والزيت ويخلط بالخلاط الا ان يصبح مثل الكريمة
*ضعي خليط القشطة فوق الدقيق واعجنيه باليد
*قطعي العجينة الى كرات ثم خذي قطعة من العجينة واضغطيها بيدك قليلاً ثم ضعي كرة التمر في وسط العجينة وأغلقيها جيداً وشكل في قالب المعمول
*توضع في فرن متوسط الحرارة الى ان تصبح ذهبية
*تخرج وترش بالسكر بعد أن تبرد وتقدم

كنافة كذابة




المقادير
عيش توست
سمن أو زيت
مهلبية
الطريقة
*نقطع حواف التوست وبعد ما نخلص نفتفت أو نطحن التوست ونضيف عليه الزيت أو السمن "أفضل زيت "
نقسم الخليط لقسمين نحط الاول في صينية بايركس
* المهلبية 3 كاسات حليب + 4 ملاعق نشا "لازم الحليب بارد" ويوضع على النار + سكر 3م صغيرة ويحرك الى أن يصير مثل القشطة يعني كثيف
وبعدها حطي علبة قشطة ونحط بعدها الهيل والقرفة
*نحط المهلبية على الطبقة الاولى
*نحط الجزء الثاني من العيش
وندخلها الفرن لين ما تتحمر وبعد كذا نطلعها من الفرن ونقلبها في صحن كبير أو صحن التقديم
*نسقيها بالشيرة + تزين بالفستق

دجاج عالصاج


دجاج عالصاج1
أسهل شي بالكون
قطع دجاج "ممكن صدور أو جوانح أو غيرها .." نص حبة بصلة زيت نباتي فلفل بارد "رومي"
يحمس البصل في الزيت ويضاف له الدجاج وبعد مايستوي الدجاج يضاف له الفلفل البارد + فلفل أسود وممكن فلفل حار

دجاج عالصاج 2

*الطعم قريب من المشوي
المقادير
دجاجة لبن زبادي كاتشب ثوم بهارات الدجاج "ملح وفلفل أسود وكمون وشوي كركم
الطريقة
*التتبيلة "نحط علبة لبن زبادي + 3-4 ملاعق كاتشب حسب الرغبة والبهارات "
*نحط الدجاج في التتبيلة من نص ساعة -2 اذاكنتِ مستعجلة واذا قعدت من8-10 ساعات تطلع ألذ
*نحط الدجاج في الصاج ونغطيه لين مايستوي
*ندخله الفرن عالشواية لين مايتحمر

محشي كرم




حبة كرم "ملفوف" مسلوقة
الحشوة وهي كالتالي "نفس حشوة ورق العنب "
تبدأ الحشوة تجيبين ورقة ملفوف وتفردينها وتقريباً ملعقة طعام مقدار الحشوة لكل حبة وأبدأي رصيها بالقدر "انا أسويها بالقدر الكاتم"
وبعد ما أخلص أصب عليها موية مذوبة فيها مرقة ماجي وصلصة طماطم وأقفل عليها وأنتظرها ليين تتسبك
*مدة طهي الملفوف أقل من مدة طهي ورق العنب ف...أنتبهي !

سلطة الرجلة












المقادير
رجلة جزر كرم "ملفوف" خيار زيتون طماطم "انا ما أضفتها" ذرة زيت زيتون ملح ليمون
تقطع الرجلة وتبشر 2 جزر وشوي ملفوف و2 خيار وعلبة ذرة صغيرة وطماطم حسب الرغبة
ويضاف لها زيت الزيتون + الملح+ الليمون
*المقادير في هاذي السلطة تقديرية يعني أنتي قدري بحسب الافراد اللي راح ياكلون وحطي

المقشوش
























(المقشوش طبخة من الطبخات الحائليه المشهوره)


المقادير
2 كوب دقيق ابيض
2 كوب دقيق اسمر
1 فنجال سكر
3 فناجيل حليب بودره
1 ملعقة بكم بودر
2 ملعقة خميره
نصف ملعقة ملح
1 علبة زبادي
3 بيضات
نصف كوب زيت

ماء للعجن


الطريقه
تعجن المقادير مع بعض وتضرب بالخلاط اليدوي الى ان تصبح العجينه شبه سائله

ويكون قوام العجينه بين عجينة الفطائر واللقيمات
ثم تشكل بعد بل اليد بالماء وتوضع بالصينيه
وثواني وتتحمر من تحت على طول تستوي انتبهو للنقطه هذي

بعد ان تتحمر من تحت نحمرها من فوق
ثم يوضع عليه الزبدة والشيره وطريقتها نحط على الشيره زبده ونولع عليها ونخلطها سوا

ملاحظه / المقدار كثير بالامكان عمل نصف المقدار

سلطة الزهره






زهره مفككه ومقليه

بطاطس مقطع مكعبات ومقلي

نتركهم يبردون ونضيف لهم طماطم مكعبات

فلفل رومي مكعبات اللوان
بصل ابيض مكعبات

بقدونس مفروم
نعناع مفروم
نحركهم ثم نضيف التتبيله التاليه

زيت زيتون , سماق , ملح , ليمون
بعد التحريك نحط السلطه بصحن التقديم ونضيف عليها الصوص التالي
علبة زبادي , ليمون , مايونيز , ملح , ثوم مفروم
ويزين بالسماق

بيتزا العجازين او المكعبات .






الطريقة :
مقادير القاعدة :
كوب ونصف دقيق , ثلث كوب زيت , ملعقة كبيرة خميرة , كوب وربع ماء , 2ملاعق حليب بودرة , 1 ملعقة سميد , بيضة , رشة ثوم بودرة , رشة اعشاب ايطالية , رشة ملح , ملعقة صغيرة سكر . بالخلاط الكهربائي ماعدا الطحين .
1_ نخلط المكونات بالخلاط الكهربائي , ثم نسكبها على الطحين ونحركها بالمضرب اليدوي
وندهن الصينية بزيت ونسكب فيها الخليط " حجم الصينية عرض 23 سم , طول 34 سم بايروكس "

2- ابشر طماطه كبيرة او طماطتين صغار واحطها بقدر واحط عليها ملعقة " شاهي" من بهار البيتزا + كاتشب " ملعقتين كبار " .5 دقايق على نار عاليه يذوب الطماط ويمتزج مع الكاتشب وممكن نضيف رشة فلفل اسود واحمر .
بالنسبه للي سألتني كيف دهنتها ولا انحاست مع الخليط . اتركيها تبرد ثم وزعيها بالملعقة نقط نقط على كل الصينيه وبشويش حركيه على السطح .

3 - ارش جبن اول طبقه وفوقه الخضار ثم جبن مره ثانيه وادخلها الفرن ساخن مسبقا على درجة 350 كهرب , 250 غاز

4 _ تقعد بالفرن يمكن ثلث ساعه , يعني هي حسب الرغبة زي ماذكرت المحل ماحمروها كثير يجي لونها ابيض , صينية البايروكس تبين لك القاعدة هي تحمرت او لا .

5 _ تكفي 12 شخص وممكن اكثر حسب التقطيع .

هنا صورة الخليط بعد سكبه بالصينية المدهونة بقليل من الزيت :



هنا بعد مااضفت صلصلة البيتزا :



هنا صورة اول طبقة من الجبن والخضار :


( البصل اشوحه 5 دقائق على النار مع رشة فلفل اسود .ثم اخلطه مع باقي الخضار )
هنا اخر شي جبن :



هنا بعد الفرن :